وارث کا حصہ نہ دے کر اس سے کاروبار کرنا
سوال:۔میرے والد نے تین کروڑ مالیت کا کاروبار چھوڑا تھا جب کہ ہم ایک بھائی اور ایک بہن ہیں ۔والدہ نہیں ہے۔بھائی نے کچھ چیزوں میں مجھے حصہ دیا مگر کاروبار میں میرے مانگنے کے باوجود مجھے کچھ نہیں دیا۔اب ان کا کاروبار کافی پھیل گیا ہے۔یہ بتائیں کہ اس کاروبارمیں اور اس کے نفع میں میرا حصہ ہے یا نہیں اور بھائی کے لیے آمدنی حلا ل ہے یا نہیں؟
جواب:۔بھائی کا آپ کو کاروبار میں حصہ نہ دینا ظلم اورغصب ہے۔کاروبار میں ایک تہائی یعنی ایک کروڑ کے بقدر آپ کا ہے۔بھائی نے آپ کے حصے سے فائدہ اٹھا کرجو کچھ کمایا ہے وہ بھائی کا ہے مگر ان کے لیے ناپاک اورخبیث ہے۔بھائی پر لازم ہے آپ کے حصے کے نفع کو فقراء پر صدقہ کردیں البتہ اپنے دوتہائی سے جو کچھ اس نے کمایا ہے وہ بھائی کا ہے اوراس کے لیے حلال ہے۔