قرض لے کر اس پر نفع دینا
سوال:۔میں نے ایک شخص سے لون لیا ہے۔اس سے میری بات یہ ہوئی کہ میں اس رقم سے مال منگواکر بیچوں گا اور نفع میں کچھ آپ کو بھی دوں گا۔کیا یہ معاملہ درست ہے؟
جواب:۔قرض کے بدلے جو کچھ آپ ان کو دیں گے وہ سود ہوگا۔درست صورت یہ ہے کہ آپ ان سے قرض نہ لیں بلکہ کاروبار میں ان کو سرمایہ کاری پر آمادہ کریں اور ان سے اس طرح معاہدہ کرلیں کہ کاروبار میں رقم لگانے کے بعد جو نفع ہوگا اس میں مثلا چالیس فیصد آپ کا ہوگا۔